انمي تون AniMe TOoN

ja natürlich

فديت الالمانيه احب اللغه بس مااعرف شي عليها

الله وكيلك حتى الي عايشين بالمانيا مو عارفين شي عنها

طيب اي لغه تتكلمون انت تسكنين في المانيا لو ماخرفت ؟

منحكي الماني بس قصدي من كتر مانها بحر بتضلي جاهلة فيها
معي مستوى B2 و لساتني عم دفش فيها تخيلي

اي ساكنة بالمانيا

انا حلمي اسكن في كندا بس مااطيق الغربه بس تراك فخمه ترا تتقنين كم لغه

خليكي مكان ما انتي احسلك , عن تجربة , الغربة كريهة و ناسها غريبة , حتى الي من بلدك رح تشوفيه متغير عليكي
و بدها شخص قوي يستحملها فعلاَ قوي , و اذا عندك هدف قوي يدعم هالشي اطلعي

مرات بقول ليه اجيت لهون و مرات بحكي الحمد الله اني اجيت , بالاخر لازم الواحد يحكي الحمد الله ع كل شي

صدقيني تعلمتها مٌجبرة بس متأكدة رح تفيدني بيوم من الأيام خارج المانيا . - طبعاَ انا حاببتها للغة بس لما تعلمتها ما كان عندي خيار تاني مثلاَ اني ما اتعلمها و ضل ع الانجليزي ؟ بدونها ما بتقدري تعيشي بالمانيا ابداَ -

لو بس تتخيلي انو درجة الحرارة بكندا بتوصل -50 بتغيري رأيك شفت فديوات لما السيارات تتجمد و بدك تروحي ع الشغل و ما تقدري تحركي السيارة تخيلي سيارة تتجمد ؟ هههههههههههههه و هاد غير انو سمك التلج بيوصل إرتفاعه للأمتار

نحن اقصى شي بتوصله -13 و بنموت سقيع فما بالك -50

بس كمان اذا صار و سافرتي كندا او اي بلد غير بلدك رح يزيد الوعي تبعك بشكل كبير و تزيد تجاربك و رح تتعرفي ع ثقافات جديدة ما كنتي بتعرفيها او كنتي بتعرفيها بس ما صار و عشتي تجربتها ع الواقع هالشي كلو حقو فلوس

هي انا مقتنعه انا بلدي هو المناسب لي بس ابغا اسافر و اتمتع طبعا هي سوالف اغنياء يارب يصير عندي فلوس و اسافر برا كسياحه ترا انصدمت احنا -5 و ممكن اموت انا شخص مايتحمل البروده فأي بلد فيه تصاقط كبير للثلج اتجمد فيه يارب يحميكي و يحفظك الغربه صعبه

و يحفظك يارب

سيلين ممكن اسألك سؤال ؟ هو غريب شوي بس تخطي
متى و في أي مرحله تعتبرين الشخص صديقك ؟
يعني احنا نكلم الناس يوميا و نكون علاقات في الدراسه في العمل في الحي بس ممكن تكون اغلبها مبنيه على مصالح او اهداف مشتركه بس متى تعتبرينه كشخص عزيز لك شنو الشي اللي تحسيه ضروري و يلزم يتوفر في صديقك المفضل اختك صارت فلسفسه بس معلش احتاج الجواب

بالنسبة الي انا بعتبرو صديق لما :

1. يشوف الجانب المظلم مني و يضل
2. يكون معي بأيامي المظلمة و يوقف معي لما مر بأيام صعبة
3. يدعمني نفسياَ لما كون محبطة
4. هاد افضل نوع ( انو يحط مصلحتك قبل مصلحته ) مثلاَ لو صار و تقدمتي انتي و وحدة صديقتك على وظيفة
و خيروها بالوظيفة بينك و بينها , تختارك انتي بالرغم من انها محتاجة هالظيفة , هاد مثال و ممكن يتطبق بطرق مختلفة مثلاَ ضلت اخر قطعة من الحلو هي بتحبو بس فضلت انك تاكلي اخر قطعة لأنها بتعزك و هيك
5. بتعرفي الصديق الصح من طريقة كلامو معك اذا كانت بتحكي ع الناس معك فتأكدي 100% رح تحكي عليكي بغيابك

اهم مقومات الصديق الصحيح :

1. ما يحكي ع الناس معك
2. ما يكون أناني ( مصلحته اول ثم لا احد )
3. ما يغار و يفرح لنجاحك او اي شي بتعملي بحياتك ( و اهم اهم اهم شي يدعمك لما تعملي شي صح )
4. يكون موجود جمبك و بيرفض انو يبعد لما تمري بمواقف صعبة و بحاول كتير انو يخفف عنك بأي طريقة هو بلاقيها
5. انو يتذكرك بنجاحاته او اي شي منيح بصير معو و تكوني اول وحدة بتعرف
( انا بتذكر و مستحيل انسى هاللحظة لما شتريت اول سيارة الي بنفس الوقت الي اخدتها رحت لعند صديقي ورجيه ياها وورجيه اديه انا مبسوطة فيها و كان هو اول واحد بيركبها ) اساساَ هاللحظات بتعزز الصداقات بشكل لا يوصف

الي بيحكيلك الصداقة بتنعرف بس بالاوقات الصعبة هاد عنجد ما بيعرف شي , الصداقة الصح بتبين كمان لما الشخص المقابل يصير معو شي حلو و يتذكرك اول حدا لأنك كنتي معو بأوقاتو المرة

الصداقات مو بس بالايام المرة و كمان اللحظات الحلوة ( المميزة ) مثل انو صديقتك تعزمك اول وحدة ع عرسها او ع حفلة نجاحها و هيك و ليه عم ركز ع كلمة اول وحدة لأنك رح تكوني مميزة عندها و اول وحدة بتخطر ببالها انتي

عندي صديقة بالامارات كانت و لا زالت صديقة العمر و بسميها توأمي من كتر ما بحبها و اي شي بتعملو بكون انا اول وحدة بعرف بالرغم من اني صرت ببلد تاني و كمان انا نفس الشي بعمل بالاخير الصداقة نفس مبدأ العلاقة , فيها بدل جهد و تبادل الطاقات , لما رفيقتي تعطيني طاقة اجابية بعطيها ضعف الطاقة هي و لما تكون محبطة برفعها و بالمقابل من واجبها تعمل نفس الشي الي بقدمو الها - و اذا مريتي برفقة انتي بتقدمي و رفيقتك متل الصنم ما بتحس فيكي اسحبي عليها , هي رفقة سلبية . من حقك انك تكوني ضمن رفقة ايجابية ترفعك لفوق لما تكوني محبطة و تعزز طاقتك الايجابية حتى لو ما كنتي بحاجتها .

و ماما حكتلي كلام بعمري ما بنساه على قد ما هو صحيح لاني عشتو :

قالتلي انو في ناس بتموت و ما بتلاقي صديق العمر الي بسموه صديق بمعنى الحرفي الي بيوقف جمبنا و ما بيحسدنا او يغار و يفرح ع فرحنا ف كتير طبيعي لما ما يكون عندك صديق حقيقي , الغير طبيعي لما يكون عندك كتير اشخاص بمرتبة ( اصدقاء ) ممكن تسميهم رفقة طريق او مرحلة و بتمر بس مو اصدقاء

اغلب رفقاتي بالمدرسة كنت سميهم رفقات مو اصدقاء و فكرت ممكن نضل مع بعض بس لما كبرنا و دخلنا جامعات و تخرجنا و كل وحدة شافت طريقها و ما بعرف عنهم شي و في منهم تغيروا كمان , رفقات المدرسة او العمل او الجامعة مو بالضرورة يكونوا اصدقاء بالنهاية , ( انك تشوفي حدا كل يوم مو بالضرورة يكون بالنهاية صديق ) ممكن تتعرفي ع حدا بشكل عشوائي من مكان ما تخيلتي انو ممكن تتعرفي ع حدا منو و تصيروا اصدقاء مقربين بالرغم من انكم ما بتشوفوا بعض كتير نفس اصدقاء الدراسة او العمل .

و اخر شي , الدنيا كلها مصالح متبادلة , هيك نحن بنعيش كوننا ( بشر - انسان - بني ادمين ) الله خلقنا اعتماديين , و لولا المصالح المتبادلة عمرنا ما بنعيش و منكمل لليوم ! حتى امك الي من لحمك و دمك و الي حملت فيكي في الها مصلحة , عطك حب و حنان و عاطفة مشان لما تكبري ترديلها ياها و تعطيها لولادك و تعطيها للناس بطريقة تعاملك معهم , اخوكي و اختك الهم مصلحة بس مصلحة مبنية ع الحب , انك تساعديهم و هن يساعدوكي , توقفي جمبهم و هن كمان ! بينزنقوا بيحكولك معك 10 يورو و برجعلك ياهم بتعطيهم و انتي لما تكوني بمشكلة بساعدوكي . لما رفيقتك الي بتحبيها تكون محبطة و مرت بيوم عصيب تطلعيها مشوار و تعزميها ع شي مشروب بتحبو و بالمقابل الشي المنيح الي سويتيه معها رح تردلك اه بشكل او بآخر الخ . . زميلك بالشغل الي بكون منيح معك و دائما مبتسم و بحاول قد ما يقدر يساعدك بالشغل حكالك غطي عني اليوم عندي موعد ضروري و تغطي عنو و هو بالمقابل لما تحتاجي يغطي عنك بيعملها و الخ . .

و هيك مع كل الناس , بس بدك تفرقي بين المصالح الايجابية و السلبية , لما شخص يطلب منك مبلغ مالي بسيط و انتي ما بتعرفيها صرلك فترة قصيرة , لما تكوني بالصف مثلاَ و تحكيلك رفيقتك قولي انتي الي سويتي كذا و غطي عني و تاخدي كل العقاب لوحدك , لما تكوني بالشغل و زميلك بالشغل بيحكيلك ممكن تغطي عني اليوم ؟ عندي موعد ضروري و يكرر هالشي كذا مرة و لما تطلبي منو انتي يغطي عنك ما يقبل و يحكيلك عندو شغل كتير و هو ما بكون عندو شغل .
لما رفيقتك تحكيلك عاملين جمعة تعي بتنبسطي و هي بتكون عازمتك لحتى تسلط الضوء على نفسها على حسابك ( و هاد اسوأ نوع من الرفقة )

هي مصالح كلها سلبية , و بحكيلك انك ممكن تمري فيهم او ببعضهم و تخوضيها لحتى تتعلمي و تعرفي تفرقي بينهم بالاخر الحياة هي تجارب و كل واحد بيتعلم من كيسو !

آسفة ع الإطالة

انبهرت سؤال ثاني تخصصك ايه ؟ عندك لسان رائع متحدثه موهوبه

صدمتيني بالخطأ فتت ع الموضوع كوني ادارية ف بتوصلني المنشنات الي بالورشة
تخصصي بالتصميم

قولي و الله

تم التسريب طيب متفرغه ؟

اي فاضية