R A G A D

هههههههههههههههههه ما تنلامين والله اهو رايح فيها
بس اهو انمي كوميديته فاهية بقوه اتذكر رحت مصر قعدت شهر
دراسة للامتحانات و ما كان عندي شي استمتع فيه , فـ نزلت مانجا
دراغون بول و قريتها كلللللها من اولها لآخرها .. قمة المتعة

ههههههههههههههههههههه ما شاء الله

لا ما اعرفه .. ما شاء الله عليج
انسانة متطلعة تشوفين كل شي

يمكن اشوفه فكرته شدتني < توه قرأ شوي عنه

انا احب دراغون بول , انمي غبي و انا اعشق غبائه
فيه فضاء و سفر بالزمن و سحر و شياطين و آلهة

معليش سحبت فجأه ..
بزنس ومن , سوري xD

اي انا احب المغامرات الي نفسه علماً بإني ما شفت وايد من هالأنمي
بس لو تعرفين Fullmetal alchemist brotherhood احب نظامه وايد
مغامرة و بنفس الوقت كأنه تحقيق و جذي

ممكن اتأخر بالرد عشان بتغدا

تمام ان شاء الله شوفيهم و عطيني رايج

ههههههههههههههه بالضبط مزاج الانميات قوي وايد

ما اعرفه هذا
انا احلى فيلم عندي شفته بحياتي للآن اهو Forrest gump
في فيلم روعة شفته قبل مدة اسمه Chronicle لأحسن مؤلف عندي

انا للأسف بالأوقات الحالية ما اشوف افلام كثر انميات بس احس اني
قريب راح احوّل على الأفلام و اختمهم

ههههههههههههههههههههههه انا تقريبا قاعد اسوي , بالانمي العام سويت موضوع واحد
بس فيه انطباعي عن انمي و الحين قاعد اسوي موضوع بالفن و الأنيميشن

سلسلة دايفرجنت ما شفتها لنفس السبب الي قلتيه , في فترة الاستوديوهات شافو
نجاح هانقر قيمز و قامو ياخذون روايات يحولونها لأفلام نفس دايفرجنت و فيلم ثاني اعتقد
كله متاهات و نفس الحالة , نظام ان مراهقين يكونون بخطر و في رومانسية و هالسوالف
فـ ما اتابعها للتقليد و اعتبر هانقر قيمز على القمة مقارنة بهذيلا

هههههههههههههههههههههههه ترا انا مستانس ان تحليلي عجبج
ان شاء الله بيوم راح اكمله و اشوف الرابع لأني اسمع الناس يمدحونه

هاري بوتر عاد ما شفته , ما تحمست له او لفكرته فـ ما اقدر انتقده
عطيني شي ثاني

بالضبط التجديد بالنسبة لي انتعاش , و احب الي ياخذون المكرر و يزيدون عليه
اشياء قوية نفس Whiplash , قصته مكررة بس اهو جبااار لأنه عرف شلون يسوي
القصة عدل

هانقر قيمز احبه حب عادي , الأول كان جيد بس مشكلته الوحيييدة كانت الاخراج
التصوير يعني , لقطات الأكشن ما يبين شي الكاميرا كللله تهتز و تتحرك و هذا اخذ
حماس الفيلم لأني احسه كان ممكن انه يكون احسن بإخراج افضل

الجزء الثاني وايد حبيته , فعلاً خوش فيلم من ناحية القصة و الاخراج و التمثيل
كان احلى واحد اعتقد بين كل الأجزاء

الثالث شفته ما قدرت اكمله لأنه كان سيء ما اتذكر ليش , الرابع ما شفته عشان
ما شفت الثالث

جينفر لورانس انسانة مبدعة تمثيلها جبار , رغم اني ما احبها بالحياة الواقعية
بس بالتمثيل تعرف توصل لج كل شي مطلوب منها و اكثر

و قصة هانقر قيمز انا من المعجبين فيها , طبعا تدرين و الكل يدري انه اساساً
رواية تحولت لفيلم فـ القصة وايد جميلة

هههههههههههه انا اعشق سبايدرمان الجزئين القديمين
ما احب الثالث من القديم و اكره الأثنين الجدد , بس الجديد متحمس له

بالنسبة لـ حبي و كرهي للأعمال , اهو شي يقهرني لما اشوف اشياء مكررة احس ان ليش -_-
ان يعني انت مؤلف , ليش تسوي اشياء مكررة بدال ما تسوي اشياء يديدة , يعني ليش ما تألف؟
بس انا ما اكره الأعمال كلها , مثلا سلسلة Fast And Furious انا اعتبرها اغبى سلسلة افلام
بالعالم بس اتقبلها , فيلم سلاحف النينجا 2014 اعتبره فيلم فاااشل .. بس اعشششقه بشكل
ما تتصورينه , العمالقة مع مشاكله انا احبه ترا و يجيب مزاجي بقوه

فـ انا ما اكره انا بس انتقد , بس لما اشوف شي فيه حب و تغيير و تنويع هنا جد احبه