راحِل الروح

راحِل الروح​

أنقر للتوسيع...

لديك حس ذوق في الاختيار وهو اختيار رائع
اعجبني واقعية الاسم .....
-------------------------
.. يُلامس الأسم مصير كل الارواح ..

جيت اتطفل عليك ..
ابغى اعرف وش اللي ورا غموضك وهدوئك

"لابدها ياسعود بتغيب شمسي
ذي سنةٍ رب الخلايق فرضها

و لعلها حريتي بعد حبسي
و لعلي ألقى عند ربي عوضها"

(( اللهم صلِّ وَ سلم و بارك على نبينا محمد و على آله و صحبه أجمعين ))

الله يستر اليوم الاجتماع السنوي لصحبة الطفولة و الدراسة، هو اجتماع غير مجدول يجي فجأة يتفرغ الجميع و نجتمع،لكن المشكلة ان في محتوى جديد للجلسة، احدهم قدر يوصل لصور لي ايام المتوسطة و الثانوية والمعهد، يعني المرة الماضية صورة وحدة و في افضل حالاتي و صرت محتوى لمدة شهر، الحين الاخ بيجيب بروجيكتر عشان يعرض هذي الصور بأعلى جودة،انا بصراحة ماعندي مشكلة مع صور المتوسطة و الثانوية لأن الشباب كلهم وضعهم مزري في ذيك المرحلة، مشكلتي مع صور المعهد يعني انا ما ادري وش كنت احس، ما ادري اتكلم عن الكدش الوصخ ولا الملابس ولا الموضات يعني انا ما ادري اللي حولي ماكانوا ينقدون علي ولا انا ماعندي دم.

على العموم جنت على نفسها براقش عشان اعرف بعدين اخبي الصور كويس.

(( اللهم صلِّ وَ سلم و بارك على نبينا محمد و على آله و صحبه أجمعين ))

لا لا انا فعلًا لازم ادرس الموضوع، اليوم ولله الحمد احس النفسية عال العال،صدري منشرح و مبسوط، طيب ليش ؟ وش اختلف عن امس يعني؟