مدونة مميزة نتعاطى الخيال عندما يخذلنا الواقع (1 زائر)

[RITSU]

هاااااي مينآآ صفحه جديده واو ماتوقعت اني اوصل للصفحه الثالثه صراحه انجاز
المهم مع الفضاوه والعطاله فجأه قررت ارجع اعيد باندورا هارت لان وقت ماتابعت هذا الانمي حرفيا كنت طفله
وماكنت فاهمه اي شي بالمعنى الحرفي والحين اكتشفت اشياء سببت لي صدمه

تحذير الكلام الي راح ينكتب فيه حرق للي ماتابع الانمي
راح احطه بنص مخفي احتياط

اول شي واكبر صدمه وهو حقيقه اوز البطل اتخيلو بس بعد ١٦ سنه اكتشف ذي الحقيقه
اشوى اصلا اني ماعرفت ذي الحقيقه وقتها وانا طفله كان سببت لي ازمه بالطفوله
يطلع اوز بالحقيقه هو لعبه اليس الارنب
الكاتبه مو طبيعيه ياساتر يا الافكار يعني شي مستحيل احد يتوقعه او يفكر فيه
وبالنسبه لجاك طلع مسوي انه لطيف وحبوب بالانمي وبالاخير يطلع هو راس النكبه
طبعا انا لسى ماقريت المانجا بس ناويه اقراها ان شاء الله
بس هذا كله جلست ابحث عنه بعد ما خلصت الانمي
وغيل طلع موجود من قبل ١٠٠ عام حرفيا المعلومات الي عرفتها الان صدمتني بشكل كارثي
والأسوأ من ذا كله برييييييك اخ كيف هان عليها الكاتبه تموته
متحمسه اكمل المانجا حتى وانا عارفه الاحداث اساسا يكفي انها بتعطيني مشاعر الحنين للماضي
عموما الصدمات كثيره بهذا الانمي اتذكر وقت اخر فصل من المانجا الناس كانت مسويه ضجه
بس ما اهتميت وقتها لاني ماكنت اصلا فاهمه قصه الانمي وتابعته مره وحده
فالحين لمن رجعت اعيده حرفيا كاني اول مره اشوفه او بالاصح صرت واعيه وفاهمه كل شي يقولوه



وبصراحه الانمي مليان شخصيات تستاهل تكون بالمفضله الواحد يحتار يختار مين

بالنسبه لي هذول مفضليني

كان ودي احط جاك معاهم بس بعد ماعرفت حقيقته طردته
فيه شخصيات كثير اصلا ماخذت حقها بالانمي عشان كذا احتاج اقرا المانجا
مثلا اليوت وليو لهم سالفه طويله لكن للاسف ماحطو عنهم بالانمي الا شي لايذكر
مجرد تعريف بالشخصيات اعتقد معرف ليه ماسو له جزء ثاني
بالرغم انه يحتاج جدا لموسم ثاني وانشهر شهره مو هينه اصلا للان يعتبر مشهور
بس هم كدا بعض الكتاب يعلقونا بالانمي حقهم بعدين يسو لنا انسحاب تكتيكي ويجبرونا نكمل القصه بالمانجا
انا ما احب اقرا مانجا صراحه ولكن مضطره عشان اكمل القصه للنهايه
وفي غيره انميات كثير من مفضلاتي وللاسف ماكملوه بمواسم ثانيه من ضمنهم سكيب بيت
حبيت افضفض واتفاعل بالمدونه شوي وجدا مبسوطه انها نزلت لتحت احب لمن يكون القسم هذا فيه حياه


​

​

 

[RITSU]

احم احم مين صارت عضوه مميزه وصار لونها ازرق
اول ما فتحت التون رحت ع الاشعارات على طول وماكنت منتبهه الا وانا اقرا التبريكات بعدين استوعبت ان لوني تغير
شكرا من قلبي لكل وحده باركت لي اسعدتوني بتبريكاتكم الحلوه مثلكم
ربي يسعد قلوبكم وحده وحده يازينكم والله زيناه كل وحده فيكم تهنئتها بقلبي

@F L O R A ❀
فلورتي شقولك بس انتي تعرفي حجم حبي لك
وش هالتصميم الي اخذ قلبي يكفي انه منك ربي مايحرمني

+ مبسوطه ياجماعه تعرفت على عضوه او خليني اقول لقيت كنز جديد بالتون تحب بلتش زي
شي يزعل اني توي اتعرف عليها وين راحت كل هالسنين عني
من هالمنبر اقول لزمرده @الزمـردة تفضلي هالترحيب المتواضع

لُقيا الاحبه طِبٌ يستطيب بهِ
وغيثُ لطفٍ على الارواح هتانا

وبالترحيب السعودي *يامرحبا مرحب تراحيب المطر*






​

 

[RITSU]

الوقت صاير سريع ولا انا لوحدي الي جالسه احس بسرعه انتهاء اليوم
حرفيا عندي مهام كثيره بسويها وصاير اليوم ينتهي وانا حرفيا مو قادره اخلصهم كلهم
وكل يوم على هذا الحال زمان ماكنت احس بهذا الشي كنت اخلص مهامي ويبقى وقت
جربت كل الطرق حتى قللت ساعات نومي ومرات كنت اصحى بدري بالقوه وبرضه مافي فايده
اليوم يخلص بسرعه ما الحق انجز كل شي مع انها اشياء بسيطه لاتحسبو انها مهام صعبه ولا طويله
ماني عارفه احس الوقت صار يمشي بسرعه وكل سنه يكون اسرع من السنه الي قبلها
كنت اسولف مع صحبتي وقالت لي تحس هالاحساس بالذات برمضان كل رمضان يمر يكون اسرع من الي قبله
وانا اتفق معاها لاني بحس نفس الاحساس هذا بالضبط بس انا اول كنت احسه فقط برمضان
دحين صرت احسه بايامي كلها يمه وش صاير ولا هذي علامات الكبر ولا ايش




​

 

[RITSU]

-

https://imgur.com/PFPgBde

ماشاء الله لاقوه الا بالله
هذا حبيب قلبي وحب حياتي
حبيت اعرفكم على ولدي مانقو بما ان التون اكثر مكان انتمي له واول صفحه افتحها من افتح جهازي
تعرفو شعور الام كيف تخاف على عيالها حرفيا انا معاه كذا
صرت اتضارب مع البيت كله بوقت معين مايشغلون التلفزيون معليش عشان ينام حبيبي
وكلهم تعلقو فيه اولهم امي الي كانت رافضته بالبدايه صارت هي تجي عنده وتتكلم معاه
المهم هذا الكائن الصغير اللطيف غير لي حياتي فوق تحت صرت اصحى على صوته حرفيا
و اذا خرجت من البيت اشتاق له اهلي يحسبوني مجنونه واني ابالغ
بس مستحيل اي احد يفهم شعوري الا الي يربي حيوان اليف وتعلق فيه
والستريك عندي كله مانقو اصلا ماعندي فعاليات بحياتي غيره

​

 

[RITSU]

ياسلااااام صار عندي الف تونه واخيرا
شكرا اداره التون ماقصرتو الله يسعدكم
بعد ماغيرت اسمي ماعاد صار عندي تونات حرفيا كنت حاسه بضياع

​

 

[RITSU]

تصميم الباترن على الايستريتور جدا جدا ممتع
من ابدأ اتحمس واسوي اشكال كثير بدون ما احس على نفسي وانا مستمتعه بالتصميم
سويت هذي الباترن يمكن احطها بمتجري معرف

​

​

 

[RITSU]

< >

اعلن استسلامي للواقع عمري كله اركض ورا جمله ( انتظر يومي المثالي الي ابدأ فيه كل اهدافي )
والوقت مشي والعمر مضى والى الان انتظر هذا اليوم يجي ولا جا
طبعا انا من زمان اكتشفت انها خدعه من عقلي عشان يريح ضميري وأتكاسل اكثر واكثر
لكن الان اقدر اقول اني واخيرا وعيت وصحيت ولو انها متاخره ولكن لعلها خيرة من حيث لا اعلم
كل ماكنت اقول خلاص اليوم انتهت المشاكل والكوارث يجي اليوم الي بعده واتفاجأ بمصيبه اعظم وهكذا ...
الان مخي وجسمي بمرحله التقبل والتأقلم ان لازم احقق اهدافي غصبا عن كل الظروف والاحوال مهما كان الثمن
مريت بفتره صعبه وغريبه ماعرف ايش اسميها غير انها كانت تحدي لنفسي بشكل كامل وحقيقي
أممممم تعرفو مرحله الفراغ بس مو اي فراغ حقيقي ماله وصف تحسو فوضى وبنفس الوقت فيه ادراك لهذي الفوضى
شي عجيب ...،
والمفاجأه الاعظم اني لمن وقفت انتظر يومي المثالي حرفيا كل شي في حياتي صار يمشي للافضل والاحسن
يمكن هذا الشي للأغلب شي بديهي ومرحله من زمان وصلو لها لكن انا لا والان فخوره بنفسي جدًا
اتخذت قرار مصيري هذي السنه والحمدلله كل يوم يمر اكتشف اني اتخذت القرار الصح شعور جميل يارب لك الحمد
قبل اتخذه كنت خايفه ومتردده وموجوعه لكن الان انا سعيده الحمدلله وقلت لازم اوثق هذا الشي بمدونتي
عشان اذا رجعت لها بيوم من الايام ماانسى هذا القرار طول عمري
لأن كان هذا القرار جدا صعب من كل النواحي وهذا الشي علمني درس اخر في حياتي
والشي الحلو فهمت جانب مهم من نفسي وهي اكتشفت اني متعدده الشغف والاهتمامات
سمعت مقطع يتكلم عن الاشخاص الي مثلي وغير نظرتي تماما لنفسي كنت احس اني غريبه
او فيني مشكله وذا الشي للاسف كان يحبطني مره ويخليني اوقف عن اشياء كثير كانت بتغير حياتي للافضل
الان بعد ماتغير تفكيري صرت افهم نفسي اكثر واحب نفسي واجاهد عشان اعوض عن كل الي فات بطريقه صحيحه

انتهى الابديت عني وعن جديدي اشتقت للتون وشكرا لكل شخص سال عني
بالمخصوص هنوده


​

 

[RITSU]

يا سرعه الايام والسنين كيف كذا مرت ١٣ سنه ماشاء الله
صراحه مرات احس مقدر استوعب
لان لمن اتذكر ايامي القديمه كأنها صارت من كم سنه مو ١٠ سنين واكثر
كل ما يجيني هذا الاشعار بالتون على طول يمر شريط الذكريات براسي

..*​

 

[RITSU]

فضفضة ...>
فيه شي من كم سنه شاغل تفكيري او بالاصح بدات الاحظه فيني وفي حياتي بشكل كامل
وهو العجله والاستعجال والسرعه بكل شي من يوم ما اصحى الين انام وانا كأن فيه وحش يلاحقني
هذا اقرب وصف ممكن اوصفه لحالتي المريره
من اول ما لاحظت هذا الشي فيني واشياء كثير صرت انتبه لها اكثر مثلا بسبب هذا الشي نسبه الانجاز بحياتي ضعيفه
وغير كذا مهما اسوي تو دو لست بسببه يصّعب علي المهام جدا
غير هذا كله ماحس بطعم الحياه باختصار ترا السالفه فيها عمق ومحد بيفهمني الا الي مثلي ومثل حالتي
حياتي كلها سرعه بسرعه احس جهازي العصبي يستنجد ويصرخ وانا كل يوم اقول بكرا بتغير
مثلا اذا جيت اسوي الفطور اسويه بسرعه فائقه كأن بينتهي العالم بعد ثواني معدوده
حرفيا يا جماعه احس فيه قنبله موقوته داخلي كل ماتحركت تقلي بسرعه انجزي ولا بتنفجر بسم الله
المهم لاني والحمدلله هذي السنه قررت اخليها سنتي الي من سنين أأجلها واخيرا جالسه احققها وحده ورا وحده
عشان كذا انا الان وصلت للاستيعاب الكامل لحاله العجله والسرعه الي فيني
بحثت شوي عن الموضوع ولقيت انهم يسموها البعض متلازمه المستعجلين مدري وش المسمى العجيب ذا
بس لها اسباب كثير مقدر اكتبها لان الكتابه فيها تطول حرفيا
المهم انا شخصيا ومبدئيا عارفه الاسباب حقتي لذلك مثل مايقولو اذا عُرف السبب بطُل العجب
الي يعاني مثلي احب اقلك ريلاكس ولا تخاف اهدى وتطمن كل شي له حل باذن الله
الحل وبكل بساطه نسوي العكس بدل السرعه بكل شي البطئ بكل شي
< السالفه صارت زي الي يقول انا ماعرف اقرا ويقولو له اقرأ
لا لا امزح بس من جد هذا هو الحل باختصصصار مثلا الي ياكل بسرعه ياكل بشويش
والي يطبخ بسرعه يحاول يروق ويطبخ بهداوه والي يمشي بسرعه يركز بخطواته ويمشي شوي شوي
تدرون ايش المشكله بس ان بيئتي ماتساعد على الروقان والهدوء
كل يوم مضاربات وهواش وصراع الله يحفظهم بس ويصلحهم ويصلحني
لكن لن استسلم راح اجاهد باذن الله واصير انسانه هاديه واسوي كل شي بشويش وعلى مهلي
من غير ما احس ان فيه احد زي مستر اكس جالس يلحقني

تدرون حتى وقت ما اصمم المفروض التصميم يحتاج له مزاج وروقان عشان يطلع الابداع
اما انا اللهم ألطف كأني داخله حرب ومليون شخص يحاربني
المهم فاااااااااايتنق يا انا ، كتبت وفضفضت عشان اوثق لنفسي والتون يكون شاهد على كلامي


سي يو وترقبو ريتسو الرايقه قريبا


....




​