الختم الفضي أخبار الكون وفضاءنا الواسع 🌍 مع يومي ✨ (1 زائر)

[ساي]

شكراً لردك المميز @Y U M I نوفمبر

السلام عليكم ورحمة الله وبركاته

كيف حالكِ يومي ؟ عساك بخير يا رب

موضوع مفيد وشيق كثير خصوصاً إنه بيحكي عن الفضاء وطبعاً من إيديك صار أجمل وأروع بحب الفضاء الخارجي كثير كمان العلماء بيصدمونا بأشياء جديدة وإكتشافات غريبة مع التطور التكنولوجي الحديث والأجهزة الحديثة .

نبدأ بسم الله:-

النجوم والشهب كمان جمال بصري سبحان الله، إكتشاف العلماء لهذا النجم داخل السحب الكثيفة بيبين أديش العلم تطور بس هل هذه الكواكب لابد من وجود هذه النجوم والسحب حولها لتبين إنها ممكن تصير قابلة للتأهيل؟!! > وكمان بيبين أديش همّ فاضيين وما عندهم شغلة ، لك إتركوا النجم بحالة لا و بيقولوا شاب يعني بدكن تشيبوه؟ -عم أمزح ما بحكي بجد-

المياه وعلى سطح قمر كمان ، قرأت قديماً مثل هذه المعلومة لكنها تتعلق بكوكب المريخ وليس الأقمار ، في المستقبل سيغادر البشر كوكب الأرض وينتقلون إما لأحد الكواكب أو لأحد الأقمار > إذا صار هيك شي بأبقى على الأرض وبسافر لأي مكان بدي إياه -فكرة مجنونه- بس لو صارت يكون جنان.

مو قلتلك من قبل إنه الفضائيين عم يتواصلوا معنا ليعرفوا عنا أكثر وبعدها يغزو الأرض ، المهم الأن إنهم يعتقدوا إن هي الموجات من نجم نشط بس يارب ينكسفوا وتكون موجات من فضائيين.

طيب تستكشفوا كواكب قريبة ما لقيتوا غير الزهرة والله يقتلكم الحر روحو لأبعد شوي المريخ ولا المشتري ، طيب أخذتوا قياسات الغلاف الجوي مو أحجام الكواكب تختلف يالله عالم عجيبين .

لو يجو عنا يلقوا الأرض شبه خالية من الأشجار بسبب التحطيب -يكسروا الأشجار ويعملوها حطب للنار- والجفاف كمان -نحنا بيعتمدوا عندنا على مياه الأمطار لري الأرضي الزراعية.

سبحان الله هبة ريح ممكن تغير جو ، و موجة بحر ممكن تغير جو .

الأحياء المائية دائمًا تثير شغفي وأحب الإطلاع عليها ومشاهدتها ، ومع رصد الكائن الرخوي سيحدث ضجة حول المسطحات المائية وأماكن مشاهدته > الله يعينه البشر كائنات فضولية -طبعاً أنا الأولى- راح يكره نفسه ويقول ياليت ماظهرت.

جميل دخول الذكاء الاصطناعي في هيك مجالات بس مو كأنه أصبحت تسيطر على كثير مواقع وأماكن.

زراعة الغيوم!!

أفكار عجيبة الله يستر بس

لفت إنتباهي خريطة للمياه الجوفية على الأرض هو الكلام كله ما إنتبهت له بس كلمة " خريطة " هي اللي وقفت عندها طيب يصير تنادوني أبغا معكم.

إستمتعت كثير وأنا بتجول في موضوعك الشيق والممتع.

لا تحرمينا من طلتك البهية بهيك مواضيع غنية وخفيفة.

في حفظ الله ورعايته.

دمتي بخير.​

 

[Yumeko]

​

شكراً لردك المميز @Y U M I نوفمبر

السلام عليكم ورحمة الله وبركاته
كيف حالك ؟ إن شاء الله تكوني بخير و عافية

ياريت عندنا تلسكوب حتى نشوف بنفسنا حركات الكواكب و النجوم
بالنسبة للزهرة قد مرت علي معلومة انها تشبه كوكب الارض في بداياتها وهي غير صالحة للعيش لاسباب كثيرة ، أعتقد ان هاذي الدراسة تساعدنا نعرف وش ممكن يصير إذا مرت الارض بنفس الظروف و ممكن أيضا نتنبأ بمستقبل المناخ في كوكب الارض
اكثر شيئ تحمسني و تلفت إنتباهي إكتشافات المحيط دائما تبهرنا سبحان الله هذا و باقي كثييييير خفايا
إعتماد الذكاء الإصطناعي في مراقبة الحيوانات فكرة عبقرية على عكس كمرات المراقبة العادية الذكاء الإصطناعي غير انه يساعد الحراس على حماية الحياة البرية إلا انه يوفر معلومات احسن من الطرق التقليدية في تحليل السلوك و يكشف التغيرات الغير طبيعية في حركات الحيوانات
بالنسبة لتسجيل الاصوات في الغابة احس الصوت بيكون رائع تخيلو مزيج الاصوات كيف يكون ريح خفيف مع مطر مع صوت الاشجار و الحشرات مع اصوات الطيور و تحركات الحيوانات...
اخ حابة اسمع الصوت
بس غير التحفة الفنية الطبيعية ما اعرف كيف يساعد هاذ الشيئ أو وش بيفيد غير الإسترخاء

حبيت انك قدمتي معلومات متنوعة ، شكرا على مجهوداتك
في أمان الله ​

​

 

[Vinita]

السلام عليكم ورحمة الله وبركاته
كيف حالك يومي يارب بخير وأمورك تمام وكيف حال الدراسة يارب تمام التمام ؟
بقيت أستمتع أرد على مواضيعك يعجبني انتقائك لها , تشد القارئ أنو يقرأها ويرد عليها ماشاء الله وهالموضوع من عنوانه شدني لأنو أنا بعشق اشي اسمو أخبار الكون يعني أعرف عن الكون أشياء جديدة حصلت فيها وبرضو الفضاء هالمجالات تثير انتباهي وبشدة
دائما كانوا يقولوا فيه حياة ممكن تكون على وحدة من هالكواكب هالشي دائما كنت حاببتو ويا ليت عنجد فينا نقدر نعيش على كوكب ثاني غير الأرض , وشي حلو انهم بالغالب بعملوا دراسات وبستكشفوا ما بوقفوا وبطوروا علمهم
وعلى الرغم من كمية الاكتشافات لكواكب ممكن ينعاش فيها مثل الزهرة أو أي كوكب ثاني بس سبحان الله كلهم بيئتهم بحسها الشخص مختلفة وغير مناسبة لعيش الانسان عكس ما الأرض ربنا خلقها لنا وأدرى بظروف الانسان ومعيشته وهي أنسب من أي مكان للعيش فيه
درست عن الاحتباس الحراري وأسبابه بسبب المدن الصناعية والمباني والدخان وغيره وتعتبر كارثة بجد وأضرارها وسلبياتها لا تطاق , فحركة انهم بلشوا يزرعوا كثير أشجار ويزيدوا المساحات الخضراء في المدن حركة رائعة كونها الأشجار والبيئة الخضراء تعطي أوكسجين وتسحب ثاني أوكسيد الكربون وهالشي يساعد الناس والحيوانات والبيئة بشكل عام على العيش بشكل أفضل
على الرغم اني ما كثير بهتم بعالم المحيطات والبحار بس بحب انهم بطوروا علمهم وبكتشفوا كائنات جديدة بحرية مثل الكائن الرخوي واللي بملك قدرة فريدة على انتاج ضوء سبحان الله , كلما بنتعمق بنكتشف كائنات حلوة ومفيدة في حياتنا , وشي حلو انها بتساعد بعضها البعض
حبيت انهم بهتموا في المناطق الاستوائية في منع القطع الجائر لأنو هالشي مضر كثير وبخرب البيئة اللي ربنا خلقها لنا لنستفيد منها , وبعطي منظر مش حلو للبيئة حركة كويسة كثير
وانهم بطوروا وبعملوا تقنيات بيئية حديثة شي مبهر لأنو بساعد الطبيعة والبيئة ترجع أحسن من قبل , وبتسهل على البشر وبتحمي حياتهم في حال انتشار النيران وهالأشياء
اما الشي اللي أبهرني أنو بدهم يعملوا أو بفكروا في مشاريع زراعة الغيوم لأنو هالشي خيالي يعتبر وما بحس أنهم ممكن يعملوه , حبيت كمان انهم يقدروا يراقبوا الحيوانات بالذكاء الاصطناعي هالشي بسهل على الانسان وبساعد على تتبع الهجرة والتكاثر أسرع
كما انو درست عن الطاقة الحرارية من قبل وشفت قد ايه انها غير مكلفة ونظيفة , ومفيدة لحياة البشر أكثر من أي طاقة شي حلو انها تصير تتوفر بحس بتصير تسهل على حياة البشر
استمتعت وأنا أقرأ وجاتني كمية معلومات , سلمت أناملك على هالموضوع الرهيب أبدعتي
لا تحرمينا من طلتك الرائعة
دمتي في أمان الله ورعايته ​

 

[YAFA]

-
السلام عليكم ورحمة الله
كيف الحال يومي عساكِ بخير
احب اختياراتك بمواضيع القسم بأمانة عطول بكونوا
حاجات مثيرة للاهتمام، من زمان كنت احب اتابع امور
متعلقة بالفضاء بس مؤخرًا الموضوع صار يلفتني اكثر وأحب
أتعمق فيه كثير ومع تصفح بعض الاخبار الواحد يكتشف
ان المدرسة كانت تعلمنا غلط، وان ناسا تنشر اخبار كذب
قبل ايام في متابعتي لفيديو عاليوتيوب لعمر ابو الرب يتكلم عن
نظرية الارض المسطحة انها شي غير منطقي ابدًا ومو معقول
كيف بعض الناس تصدق هالشي قال معلومة صدمتني ان
الصورة المعروفة والمشهورة لكوكب الارض ومن تصوير ناسا
طلعت صورة معدلة مو حقيقية وذكر اسماء مصادر ثانية تنشر
بثوث مباشرة وتصوير حقيقي بدون تعديلات

الأمر الذي يعيد تسليط الضوء على احتمالات وجود حياة ميكروبية خارج الأرض.!

فكرة وجود حياة غيرنا صارت مفروغ منها ودليلها موجود بأحد
آيات القرآن الكريم لكن المجهول هو مكانهم و طبيعتهم ومني وعلي؟
مش حابة اعرف حاليًا ولا اتخيل نفسي اقابل كانت بالوان واشكال
غريبة الجهل في مثل هالامور نعمة معلش

بدأت مدن عدة في تطبيق برامج شاملة لزراعة آلاف الأشجار

هذا احسن قرار ممكن اي بلد تاخذ خطوة لانها تنفذه بشكل واسع
في كل مدننا لان الحر كل سنة يكون اسوأ من يلي قبلها حتى ان
الواحد يحس ما عاد فيه اكسجين كافي من الخنقة والرطوبة
ما شاء الله بس كل اخبارك عن الطقس والمحيط والغابات ماشية
بطريق تطور حلو شكله بس انا يلي ما بمر عليّ الا الاخبار السيئة
مثل احتمال حدوث زلزال قوي بمناطق بلاد الشام والله يسترنا بس.
بس قرأت جملة زراعة الغيوم صفنت شوي انا بشوف غلط ولا ايش؟
ما مر علي اغرب من هيك فكرة بصراحة وما اتخيل كيف ماشيين فيها
ولا حتى احتمالية نجاحها! احس دخلوا لنقطة التدخل المبالغ فيه في الطبيعة
اما موضوع الطاقة الحرارة من باطن الارض وفكرة كونها مصدر
للكهرباء فهو شي جدًا ممتاز لو يتحقق وشو انه يحل مشاكل كثيرة
بكثير دول ويكون فيه توفير رهيب. موجات الصوت في الغابات من
اكثر الامور يلي تأكد نظرية ان الانسان اكثر كائن ملقوف xd
ما اظن حيكون في اي مشاكل في اماكن الحياة البرية لو ما يتدخل
البشر بأي شكل من الاشكال ف كلشي تمام مثل ما كان قبل وجودنا
او تدخلاتنا الزايدة
والوصول لاماكن جديدة للمياه الجوفية كمان شي ممتاز اتمنى يكمل
وما يتم استغلاله لصالح دول معينة ع حساب دول ثانية بس
مثل ما يصير بكل ثروات الدول الفقيرة المسروقة
الموضوع هذا من افخم ما يكون صدقًا حبيته جدًا واستمتعت بقراءة المعلومات الجميلة والمثيرة للاهتمام هاي كلها يا ريت لو تعمليها
ك سلسلة كل ما تستجد امور هيك تعملي عنها موضوع
يعطيك العافية وبانتظار جديد مواضيعك

 

[Ghada]

السلام عليكم ورحمه الله وبركاته
كيف الحال يومي؟ يا رب تكوني بخير وما تشكين من بأس
انا من فتره طويله ما كنتش مهتمه قوي بعلوم الفضاء
بس في الفتره الاخيره ممكن نقول اخر سنه او سنتين كنت مهتميه شويه عن الاول
حتى اني دخلت احد الجروبات اللي دايما بتصور الفضاء احيانا بتنزل الاخبار عن النيازك
اللي بتمر قريب الفضاء او الظواهر الطبيعيه زي الكسوف والخسوف وغيره
بمناسبه تلسكوب جيمس ويب حقيقي من ساعه ما تم اطلاقه والصور اختلفت تماما عن الاول
حتى الفتره اللي فاتت في التيك توك كان في ناس كثير مشغوله بموضوع النيزك اللي بيتحرك بسرعه غريبه وكبيره ناحيه الارض
كانوا بيقولوا انه كان الفتره اللي فاتت ملتصق بالقمر بطريقه غريبه زاويته وسرعته كمان مريبة
والاشاعات اللي بتقول ان هو مركبه فضائيه بسبب الانبعاث اللي كان بيظهر وكان في محرك في النيزك ده هو اللي يدفعه
اخر شيء شفته انهم قالوا انه بعد عن مسار الكوكب
كمان طلعت نظريه من الارض هتفقد جاذبيتها فاغسطس قادم لمده ثلاث ثواني لو ذاكرتي صحيحه
عموما بالنسبه ليا اكتر حاجه غريبه فكره استكشاف الكواكب القريبه
يعني انتي تذكرين انهم بيشوفوا كوكب الزهره وايه اللي حولوا للشكل الحالي لان هو غالبا كان قبل ما يوصل للشكل ده كان شبه الارض
والغريب اكتر انهم تقريبا بيعملوا كل شيء يدمر البيئه بالفعل واللي مع التدريج هتخليه كوكب غير صالح للحياه
كمان تغيير المناخ كانوا يقولون ان العاصفه الثلجيه الشديده في اوروبا وامريكا بسبب تغيير المناخ والاحتباس الحراري وذوبان الثلج في القطب الجنوبي
كمان بخصوص الماده المظلمه انا دايما بلخبط ما بين الماده المظلمه والطاقه المظلمه
او يمكن هم الاثنين شيء واحد؟
المهم اللي اعرفه ان الماده المظلمه هي الماده اللي بتشكل معظم الكون لكن غير مرئيه لينا زي ما انتي ذكرتي
لكن ناسيه الطاقه المظلمه دي بتكون ايه الصراحه رغم اني كنت عارفه هي ايه
تسلم يدك على الموضوع الجميل استمتعت وانا اقرا الموضوع كله
فكره كتابه الاخبار كأني اقرا جريده اخبار الفضاء كانت فكره حلوه بصراحه
صار عندي معلومات حلوه عن ما يجري حاليا او اهتمامات العلوم والعلماء حاليا ايه وتخطيط اتهم
نورتي القسم بموضوعك الجميل اتمنى تنوريه كده على طول
دمتِ بخير​