الختم الاداري Wonderful and Dreamy (1 زائر)

[S a n d r a]

​

رائعين ​

-
"Wonderful and Dreamy"
أينما تحلُّ الازهار توجدُ السعادة!
فما بالكُم حينما تُرسمُ بأيدٍ ماهرة ؟ فتُحفظُ على الأوراقِ بذكرًى لا تنسى
و القلمُ الذي يخطُّ تلك البتلات يوصلُ المشاعر الحلوة !

مرحبًا جميعا !!
كيف الحال شو الأخبار؟
إن شاء الله إنكم تمام ؟
بغدرة مزدوجة جينا اليوم بموضوع مشترك مع سلوشات
عبارة عن رسمات بسيطة هيك و هيك ~
طبعًا مش واضح أبدًا إيش نوع الموضوع من الهيدر ولا المقدمة
و هاي المشكلة عبارة عن فشل بربط الأشياء ببعض من قمّة العشوائية xd
المهم ما علينا من الهبد , أمامكم ساحة فيها شويّة رسومات
بتمنى تستمتعوا برسومات سلوشة الرهيبة
و تمرُّوا على رسوماتي مرور الكرام هيك عالسريع ~

-

بسم الله ~

 

[S A L W A]

الفكرة كانت اننا لقينا ريلز على الانستا لتحدي الرسم
فيها صور متعددة من الوان البشرة واشكال الشعر
ومختلف العيون وانواع من الملابس والاكسسوارات، بمرور سريع فكل اللي عليك تضغط ع الشاشة عند كل نوع لتشوف حظك
بعدها ترسم كل شي طلعلك لتعمل لوحة، مهما كانت التركيبة غريبة

تحدي الرسمة الاولى

الخطوات

تحدي الرسمة الثانية

الخطوات

تحدي الرسمة الثالثة

الخطوات

تحدي الرسمة الرابعة

الخطوات

تحدي الرسمة الخامسة

الخطوات

 

[S a n d r a]

​

بما اني مسكينة و عندي امتحان سلوى اعفتني من إني أحط خطوات لذا اتمنى لا تواخذونا
حطينالكم الرسمات هيك خبط لزق xd

هاي الرسمة الاولى الكيوتة
ثعلوبة لابسة هودي ~ بس لو طلعلي الفستان الأسود كان فرجيتكم كيف حتكون كاشخة حلو مع شوية ميكب ~
أنا بعترفلكم خربت لون شعرها مع التظليل الغبي و انه تفاوت ألوان و حركات ولا بدونه احلى بس المشكلة
اني ظللت على نفس الطبقة ولا كنت بقدر أشيله

الرسمة الثانية القرصانة الخطيرة
بصراحة تستحق رسامة أفضل مني لترسمها xd
بس للأسف طلعت معاي المسكينة , شوفولي الإبداع في تناسق الألوان
الاشي الوحيد اللي ضابط هو الخلفية هوهو, بصراحة عيونها لونهم بجنن
لو استخدمت فرشاة ثانية كان طلعت ازبط بس انا مش خبرة كثير مع الديجيتال~

نرحب بالقاي ~
عزيزنا القاي لابس فستان زمردي مع قلادة أرجوانية برّاقة
أرجو انه ما نهينه المسكين بالزور متحمل الاوتفت اللي لابسة
ركزولي على الجنحان الذبلانة و الابتسامة اللي تقول محدش يحكي معاي او بحرق الكوكب مش بس عمّان
و عمّان مرة ثانية ضحية حوادث الاحتراق المتسلسلة~

الأنيقة المزّة الرسمة الوحيدة اللي زابطة
شوفولي العيون الحادة و الشفاه الممتلئة بس
الاوتفت لمديرة الشغل الماهرة المتقنة لعملها و الشعر المسرح باحترافية ~
يا هيك رسمات يا بلا

الفضائية الحلوة ~
البطة السوداء اللي بدل ما أرسمها بالتلفون رسمتها بالايباد المتهالك من عصر iphone 4
للي بيعرفوا بوجوده , مكسر حالته حالة بس قلت اخليه يمارس الحياة اليومية اللي محروم منها عكس باقي الاجهزة
الاخت شعرها صار ساحة حرب للcurles اللي معمولة الها و عيونها كبيرة ماكلة وجهها~

بس ستل عيونها حلوين الله يحميها

شكرًا الكم على مشاهدة رسوماتي الخطيرة ~

 

[S A L W A]

يناير كان بيحمل جو تنفيس يجنن رغم الضغوط، انا بحلقات البحث وواجبات الجامعة، ساندرا بالاختبارات
لكن شعل بيننا تحدي وسط ذاك الضغط! بدينا بأول رسمة بـ 2 يناير لما تحدينا بعض وبدينا رسم بنفس اللحظة
وصارت كل وحدة تورجي الثانية شو طلع معها تخبيص ع الحظ
وبيشرفني ان شارك بأول موضوع مشترك مع الفنانة سندورة ما كنت بعرف انها تحب الرسم لهدرجة
ولا كنا من زمان نزلنا مع بعض وان شاءلله الايام جاية كمان
10 رسومات مقسومين بكل إنصاف وعدل لكن بيحملوا ذكريات
فـ عطونا رأيكم! لو عجبتكم الفكرة ي فنانين ممكن نفتحلكم مسابقة ونخليكم ترسموا من الاختيارات العشوائية
لا تنسونا من دعواتكم، تقييماتكم وردودكم الحلوة
-
كان الموضوع برعاية فريق التصميم

​

 

[YAFA]

-
السلام عليكم ورحمة الله
كيف حال الفنانات الامورات
شو كل هالجمال واللطافة والابداع ما شاء الله عليكم
هي الناس هالوقت تروح تنام الا انا يجيني النشاط
وشغف كتابة الردود حتى رحت اسوي كاسة شاي
وجيت لأتسلى بالرد ع موضوعكم اللطيف
بالبداية لازم اقول لسندورة ان الهيدر كتكوت جدًا جدًا
ومش بعيد عن جو الموضوع بالمرة بالعكس لطيف
ومناسب ولو مش مصدقتيني اسألي شادي رح يخترعلك
قائمة من 100 نقطة تربط الرسومات بالهيدر والبنت والالوان
خط كلمة Dreamy كثير كيوت بدي ياه حتى خط الفاصلة يجنن
خلص ننتقل للتطبيل ل سلوشة هسا
فكرة تحدي الرسم خطييرة جدًا وانتو طبقتوها بشكل إبداعي
بداية برسومات سلوش اول رسمة فخمة بشكل وحظك حلو
عالخيارات يلي طلعت لك والنتيجة فوق الممتازة بشحطة
التفاصيل كلها مرسومة بدقة ورتابة بالخطوط والالوان
حتى فكرة تخلي كل جناح لون كانت اضافة رائعة منك
ولو احنا مشجعين للشر اكثر
وشرحك ما شاء الله تشرحي بذمة وضمير وشغف بس
ما يحتاج افضح نفسي بزيادة واقول اني فاشلة بالرسم
واحس عيب عليّ فعلاً لان عندي ايباد وقلم ولليوم ما تعلمت
حتى ارسم شمس بالزاوية او الون مثل الناس بس ان شاء الله
يومًا ما نتعلم
الرسمة الثانية كثير لطيفة اعجبني بالذات قصة الشعر ولونه
والطاقية الكيوت نفس التحدي بالضبط، لما اجتمع كله مع ملامح
البنت صارت كأنها شريرة معتزلة ضايل شوية آثار بس -عيونها مثيرة للريبة-
الرسمة الثالثة تفوز بقصة الشعر المفضلة عندي
اما ملامحها كأنها صوص حامل سكين بده يموتك
بس هو يموت من الكياتة، يضحك حتى ان البشرة السمرا
لايقة عليها ومخليتها الطف xd ولون الشعر يجنن
نتيجة عشرة على عشرة
في الرسمة الرابعة اهنيك فعلاً على التزامك بتنفيذ اللي يطلع
لك بالضبط ونجحتي بإنه تبينيها كأنها متعاطية شي وجاية xd
عيونها وفمها وضعياتهم لايقة ع بعض بجد والشعر كمان احلى
جزء فيها
الخامسة كأنها بيتر بان نسخة انثوية بس جاية من الفضاء
رغم غرابة الشكل لكن النتيجة متقنة الف ابدعتِ جدًا فيها!
رتابة الشعر والتلوين والجلد والفستان كله كله فخم ورهيب ولا غلطة
نيجي لرسومات سندورة الامورة
اول وحدة انيوشا النسخة البناتيّة، كثير كتكوتة ولطيفة احلى
من انيوشا حتى افرحي، ما حسيت في مشكلة بتناسق الالوان
بين شعرها ولبسها والذيول بالعكس راكبين وحلوين سوا
الرسمة الثانية تجنن! حسيتها كأنها شخصية انمي بطابع
الزمن القديم من لبسها وشعرها، اما الورد كثيير فخم يا بنت
ابدعتِ بتظليل الورد والورق تبعه طالع بشكل مثالي، هاي علامة
تكثري رسم ورود وتورينا اكيد
الرسمة الثالثة تذكرت بس شفتها انك حكتيلي عن شغلة تحدي
الرسم، تعليقك ضحكني عاد مالها قاي كثير xd
اول مرة شفتها يمكن حسيتها هيك شوي بس هسا متغيرة ولا؟
لو مش متغيرة ف خلص هذا تأثير تعوّدي عليها/عليه* مدري
هو مين هي ايش المهم الشعر والنجوم يلي عليه حلوين
الرسمة الرابعة اما شو هالاناقة والرتابة كلها؟ هاي بجد
ما تصلح تكون من عامة المجتمع عاللبس اللي عليها اكيد مديرة
النتيجة يلي طلعت معك فنانة من كل النواحي اللبس والشعر
والتلوين تحفة بجد افخم وحدة هي، لو مالها مديرة بخليها معلمة فيزياء
وصلنا للرسمة الاخيرة الكتكوتة، الرسمة بجد تعبر عن معاناة
اصحاب الشعر الكيرلي حتى وجهها بتحسيها بتقول تحكوش ع شعراتي خلوني بحالي، بس مكياجها لطيف لايق عمشابك الشعر
يلي حاطتهم
انتو الثنتين ابدعتوا وطلعتوا بنتائج فخمة وابهرتونا بالفن يلي طلع معكم
تصفح الموضوع والرسومات كان بجد مسلي جدًا واكيد بدنا
كمان مواضيع مشتركة من هالنوع
بانتظار جديدكم عطول، في امان الله