شيءٌ مني (3 زائر)

[سُكر]

هنا أترك شيئًا من روحي بين السطور،
بعض الأفكار، قليلًا من الشعور،
وأشياء تشبهني ولا أستطيع قولها.
لعلّ أحدهم يجد في كلماتي شيئًا منه.

"إفتتاح مدونتي
27/8/2026"

 

[سُكر]

كيف يتوقفُ المرءُ عن إنتظار أمنية يعلم أنها لا تناسبهُ ولا تأتي؟
كيف يكملُ المرءُ حياتهُ وبينهُ وبين كل الأشياءِ التي أرادها دروبٌ طويلة لا تنتهي؟

 

[سُكر]

ماهو مكانك المفضل؟
ليس لدي مكان مفضل…
لدي أشخاص مفضلين
وكلما كنت مع الأشخاص المفضلين لدي
أصبح ذلك المكان مكاني المفضل.

 

[سُكر]

رجع أيلول
بكل تفاصيله الصغيرة في شيء من الحب..بداية أمل
وأول ريحة الشتاء..وريحة الحنين
أيلول دائماً بذكرك أنه مع كل نهاية قصة بحياتك..
في بداية جديدة .
أيلول "شهر البدايات الجميلة،واللقاءات الدافئة،ونسمات الخريف.

 

[سُكر]

هل أنت بخير ؟
أنا خائفة..
لِم؟
ماذا لو لم يتحقق ما حلمتُ به؟
سيتحقق.
وماذا لو كان الأمرُ كذلك؟
ماذا أفعل؟
أظن أن هذا أفضل مافي الأمر..
أبحث عن حلمٍ آخر.
"رابانزل"

 

[سُكر]

تتبدلُ الرايات ويبقى الوطن .

 

[سُكر]

مهموم؟
ماهمك؟
هل يعيش الرجل بقلبين ياعمر؟
واحدٌ لنفسه والآخر لغيره؟
هل نطيع آبائنا ونعصي افئدتنا؟
ويلك!
أهو الإسلام يراودك؟
إن كان الإسلام هو مايراود فؤادك
فأطعته وجهرت به وتحملت له المغالب
فأنت خصمي الجدير بإعجابي وتعظيمي.
أما إن جبنت وآثرت السلامة على غير ماتعتقده
فأنت حليفي الجدير بإحتقاري له وإزدرائي .
فلا ادري كيف انصحك ..
بلى…
لقد نصحتني يا إبن الخطاب .."رضي الله عنه"

 

[سُكر]

كيف أحد عشر شهرًا يا صالح؟ كيف مرّت كلّ هذه الشهور وأنت غائب، وما زال غيابك في القلب كأنّه اليوم الأول ؟ أحد عشر شهرًا ونحن نبحث عنك في كل شيء، في الصور في الذكريات، وفي تفاصيل الأيام التي لم تعد كما كانت بعدك.

یا صالح، اشتقنا لك اشتياقا لا يهدأ، وما زالت سيرتك حاضرة، وما زال اسمك يوجع القلب كلما مر على اللسان.

رحمك الله يا صالح، وجمعنا بك في جنة لا فراق فيها.

 

[سُكر]

​

✦ فعالية الأسبوع الرابع لشهر سبتمبر | اعتراف ✦​

وراء كل شخص حكايات صغيرة لا تُروى، وأشياء احتفظ بها لنفسه طويلًا.. ربما لأنه لم يجد الوقت ليقولها، أو لم يجد من يشعر أنه الشخص المناسب ليسمعها.
لذلك نمنحكم هذا الأسبوع مساحة خاصة لكم.. اعتراف واحد فقط
قد يكون عن عادة، موقف لا تنسونه، فكرة لا يعرفها أحد عنكم، شعور خبأتموه، شخص ترك أثرًا فيكم، أو حتى أمر بسيط وطريف لم يخطر لأحد أنكم تفعلونه.

فما اعترافك الذي لم يجد طريقه إلى الكلام من قبل؟​

اعتراف ⭐️

كيف تكون حياة من لايشعر بالأمان بوطنه ؟
الغصه الي بقلب كل انسان بعيش بوطن محتل ! وطن مش الو ! حاسس حالو غريب بمكان الو ! ملكو ! بس ماعندو القوه ليحافظ عليه .
ماعندو القوه ليسترجعو .
ماعندو القوه يحدد مصيرو حتى .
ماعندو القوه ليعيش ويحافظ ع حياتو.
شو يعني انك تعيش بمكان كل يوم تسمع فيه خبر محزن !خبر سيء !تنام وانت جاهز تصحه لتشوف اشي اسوء من الي قبلو.
ابسط تفكير بحياتنا معقول اطلع من البيت ماارجع؟
تكون جاهز للموت بأي وقت ؟.
تخاف من السعادة المفرطة ! اكيد رح يصير اشي ، هاي السعادة مارح تدوم ، اكيد لاحقها شيء سيء .
اصبحت السعادة شيء يخاف منه!.
والاصعب ! انك مابتقدر تتعود عالموت ، خسارة من تحت وماتحب ، كيف الإنسان بتعود عالموت؟ بتعود عالظلم؟
تشوف مستقبلك ومستقبل الآف الناس بضيع قدامك مابتعرف تزعل ع حالك ، تزعل على غيرك ! ع مستقبل اطفال تدمر ، تزعل ع شاب او رجل مش قادر يسد احتياج عائلته فقط!
تكون بمكان حاضره اسوء من ماضيه ، ويومك اسوء من اليوم الي قبلو !
ومع هيك لسا عندك امل بالحياه ! لسا بتدرس ، بتشتغل ، بتنبسط لابسط الاشياء.
بتحب الحياة .
بترفض حدا يحدد مصير حياتك ، يدمرك ، ياخد الاشياء الي بتحبها منك.
بتشوف شعب وقت الشده والصعاب واقفين مع بعض سند الك بالحياة.
بنفرح للفرح بعض ، بنتشارك بالحزن والألم والمرض
، بنحاول نعيش الحياة الي بنتمناها مابنستسلم!
بتقدر تقدم من قلبك وبتقدر تحب بتقدر تنبسط لسا شايف الحياة بعيون الحياة ، الأمل .
حتى لو كانت مليئة بدم الشهداء والظلم والأسى والضياع والمجهول.

#فضفضه صغيرة من شعب بحب الحياة ورح يضل صامد وواقف مكانو وثابت بأرضه ومابتخلى عن وطنو للغريب ولا بعد الف سنه رح يضل الفلسطيني بارضه جذور شجرة الزيتون اقدم من تاريخ المحتل….

 

[سُكر]

من اسوء المواقف الي مرقت علي اليوم وحبيت اعلق عليها لانو في كثير ناس بتتصرف بهاي الطريقه
كان في طفل ببيع ماء بالجامعه فكانو في مجموعة بنات قاعدين "حكالهم بدكم مي "وهاد اشي طبيعي بكل العالم وموجود من هدول البائعين الي رغم سنهم الصغير مابنعرف شو حياتهم ولا شو وضعهم بالنهايه يشتغل احسن مايمد ايدو للناس
ف جاوبته باسلوب سيء جدا حكتلو "روح من وجهي انت التاني"
هو طبيعي هاد الاسلوب ينحكى مع شخص شو ماكان عمرو او جنسو او عمله
وكانت واضحه كسرت الخاطر بعيونه ضل يطلع عليها طول الطريق
صاحباتها تدايقو من الموقف وصارو يلوموا فيها ويحكو عليها انو مابصير الي عملتيه
صارت تبكي
هلا ممكن كانت هي متدايقه ومخنوقه وحكت بوقت عصبيه او مثل مابنحكي فشة غل
بس هل هذا الاشي صح ؟
ليش للنعامل الناس بمزاجنا هلا لو انتي محلو بتقبلي يحكي معك بهاي الطريقه بمزاجو هو ؟
اكيد لا محدا بيقبل ينحكى معو باسلوب سيء لو شو ماكان وضعك وظروفك ومزاجك
الناس مش للعبه عندك ولا خدم عندك اوامرك سيدي ومحدا الو الحق يعامل شخص اخر باسلوبو ونفسيتو
كلمة لاء مابتنقص منك شيء لو حكتلو لاء وراح خسرت شيء هيك؟
اكيد مابتخسر بس في ناس السوء بدمها للاسف وبتفكر كل الناس رح تسكت وتتحملها ومجبوره تتحمل نفسيتها ومزاجها
مابحكي غير ريتها تنقرض هاي الاشكال ومانشوف وجها لانها عينات لاتطاق بلجتمع ومحدا بحبها

النهايه